fbpx

成日落雨冇得去玩?嚴選8大室內好去處2022

唔怕落雨冇嘢玩!8大親子室內好去處2022

嚴選8大室內好去處2022 — 夏天已到,悶熱潮濕又經常落雨!父母可以帶小朋友去哪裡玩?MameShare 嚴選8大優質好玩室內好去處,無論天氣點變,都可以同小朋友開心放電!

  1. 智遊天地E3 Club
    九龍灣 Megabox 12樓智遊天地E3Club,佔地逾萬呎,小朋友一入場即可任意玩樂,盡情放電1.5小時!入場前,職員細心為小朋友指引放好鞋子和潔手,步進場中就立即見到 E3 Club 主打設施 – 刺激度高、垂直角度連大人都可能會膽怯的「魔鬼滑梯」!仲有粉色波波池同兼具教育功能的生活體驗區,俾小朋友模擬購物買餸煮飯,學做獨立小大人!不容錯過5月新增全新設施 – 「光感互動舞台」,小朋友站在台上即可引領舞台發光,隨著節拍和流光幻彩提示,一嘗勁舞巨星滋味,閃耀全場!場地收費$170/節,MagicSky會員價$150/節(1大1小入場任玩1.5小時),額外成人進場加$60/位

    【網站連結】
  2. LEGOLAND香港樂高®探索中心
    尖沙咀 K11 MUSEA的香港樂高®探索中心,佔地多達30,000呎,開幕已有一段時間,但依然吸引大小朋友瘋狂朝聖!入場後放眼全場,館內設有10個不同主題園區,先欣賞官方全球獨家香港主題迷你天地,再到樂高®城市歷奇園區建設城市、拯救市民!除了展覽及遊樂設備外,還有LEGO場景及人物主題機動設施、知識與趣味並重的樂高®賽車場和創意天地,為3-12歲小朋友提供豐富的互動及教學體驗!以為得咁多?仲有先進4D Studio 影院!門票由 $240 – $788 不等
    【網站連結】

     

  3. 合味道紀念館
    合味道紀念館香港位於尖沙咀中港城,佔地10,000呎!一入場就見到由17個國家不同口味的合味道杯麵組成的巨型杯麵牆,先聲奪人!再到重點打卡位,3米高巨大杯麵場景!打完卡,係時候玩工作坊!紀念館設有3個工作坊,3個都係全球獨家!其中「我的合味道工作坊」更是載譽歸來,成為常設工作坊!仲有「穀物麥片工作坊」和「出前一丁工作坊」,大家學習相關食品生產方式同時,更加可以發揮創意,DIY專屬獨家包裝!留意必須網上預約入場及參與工作坊,價格由$60 – $120不等
    【網站連結】

     

     

  4. 香港生物多樣性博物館
    香港生物多樣性博物館位於香港大學內的嘉道理生物科學大樓南翼,為香港現存最大生物標本收藏庫之一,隨著導賞員步伐,漫步於標本林立的館室內,細看多達10,000種包含海陸空及沙漠極地各式罕見生物!導賞員仲會教大家怎樣運用電子顯微鏡觀察多種不同生物的結構細節!富趣味又俾小朋友學習到科學知識!完場後仲可以繼續參觀香港大學校園,校園內不時有松鼠驚喜現身!博物館逢星期三、六開放,參觀者並無年齡限制!費用全免,記得事先網上預約
    【網站連結】

     

     

  5. 浩海立方.探游館
    全香港首個海洋探索體驗館,一入場就見到全港首個結合真實海洋生物及立體投影效果的光影海洋觀景窗!繼續前進,由多座展示水母的圓柱形水族箱與幻影燈光鏡像展現的「水母萬花筒」!展覽之外,玩樂亦同樣兼顧!場內有小朋友最愛的VR海洋探秘之旅,以生動方式向大家介紹海底世界!走進MR(混合實境)水母學堂,深入認識水母生態,更有海洋兒童樂園俾小朋友充分放電!玩到攰?現場仲有特色餐飲區,在水母圍繞下補充體力!場方期望透過精彩展覽及富吸引力的設施,能夠推廣關注環境保護及海洋生態的訊息!兩小時體驗門票由$138 – $168 不等,可以網上預約訂票
    【網站連結】

     

     

  6. 大富翁夢想世界
    全球首座大富翁主題展館,位於太平山山頂廣場3樓,一踏出扶手電梯,鮮紅色場館大門十分吸睛!場館設計當然就以大富翁為主題,將遊戲細節放入現實!就連大門旁邊的小賣店,所有餐牌都製作成大富翁地契,食品包裝及餐飲裝飾上更充滿了大富翁先生和遊戲板的元素,連紙巾都是遊戲紙幣的款式!走過充滿香港特色的霓虹光管隧道後,走到「大富翁城市,設有「火車站」4DX體感影院,唔可以錯過1:1真實還原大富翁監獄這個打卡位!仲有「大富翁超級銀行」俾大家20秒內瘋狂搶銀紙!遊戲中的機會卡、地契卡、棋子等亦會還原出現在場內,令人親身體會置身大富翁世界之中!最後點少得手作仔?這裡讓你親手設計專屬自己的獨家地契!全日體驗門票由$220 – $529 不等
    【網站連結】

     

  7. Home.焙小日子
    一家人想享受烘焙樂趣,但家中又未必有齊所需?來自台灣的烘焙工作坊,店舖設計溫馨可愛,一入門就有種家居的溫暖感覺,令人心情放鬆!作為烘焙工作坊,場內烘焙設施齊全,並按大家不同需要和程度設置課程選擇,如一家人第一次嘗試親自落手烘焙,可選「簡單玩」或「樂趣玩」,大人細路都能同享烘焙製作樂趣!而如果大家已經是烘焙高手,當然要挑戰「認真玩」!用心製作出好滋味,同家人朋友一齊分享!亦可令小朋友接觸更多優質食物,愛上新鮮烤焗的麵包蛋糕,不用再怕被零食吸引!價錢為$200至$450不等,同行者入場費(最多一位)平日需加$60、假日需加$80,12歲以下兒童須由一位成人陪同及需付一位入場費【網站連結】

     

  8. 香港巧克力藝術坊
    位於昂坪市集的香港巧克力藝術坊,外觀設計是西方常見的糖果專賣店,現場除了售賣來自瑞士的朱古力製品外,竟然還隱藏了一個展覽!展覽以香港情懷為主題,掀開展廳門外紅布,即見到充滿香港風情的大型壁畫,場內以地道街市、傳統飲茶、舊時風情為主軸,耗用2,800公斤朱古力,設計8個場景,展出以生果攤、點心、金器等造型的朱古力藝術品多達338件。咪以為只能齋睇,場內設有試食瑞士蘇黎世原生朱古力及DIY工作坊,製作專屬個人朱古力藝術品。小朋友捧著親手製作的靚靚朱古力,大人細路都甜到入心❤️

    【網站連結】

追蹤MAMESHARE

121,617FansLike
856FollowersFollow
1,910SubscribersSubscribe
spot_imgspot_img

最新內容