暑假快將完結，趁着還有時間，不如就近近地帶小朋友去 深圳親子遊！Blogger「My Little Wan Pig」在暑假與兒子到深圳玩，媽媽介紹了一個室內動物樂園，可以嘆住冷氣親親小動物，仲有近期最紅capybara水豚君（近日兒童界hit歌：capybara song）！
Blogger「My Little Wan Pig」表示，由於兒子非常喜歡小動物，因此藉着暑假就帶他去了深圳「Lollypet盟寵樂園」。這個室內動物園內的動物種類非常多，包括寵物豬、梅花鹿、草泥馬、山羊、綿羊、水豚、袋鼠、兔仔、刺蝟、松鼠、貓、鴨、雀鳥、孔雀、蜥蝪、蛇及豚鼠等等。
「呢度嘅動物同人類好親近，除咗可以餵佢哋之外，仲可以摸佢哋。爸爸媽媽咁大個人，有啲動物都係第一次接觸咋，我哋大人都覺得好新奇，更何況小朋友！」
「Lollypet盟寵樂園」入場門票可以經網上或現場購買，媽媽計算過兩者價錢相差不大，所以選擇現場買，門票包手襪及保護衣。
在參觀完室內動物園後，他們一家到附近商場「萬象食家」吃晚餐，媽媽特別提及有些餐廳可以利用香港支付寶付錢，十分方便。其後，他們去到笋崗文具玩具禮品批發城購物：「好多嘢都好平好平，平過香港好多，其實有好多平嘢執，我哋都買咗好多日用品同玩具。」
住宿方面，他們選擇了一間經濟實惠的酒店，位置方便，從「笋崗站」行大約5分鐘即達。整個 深圳親子遊 行程可以參考影片：
最後，媽媽提醒各位如果準備到內地旅遊，記得要先填好健康碼，並預先截圖，可節省過關時間，小朋友亦需要申請健康碼。
Lollypet盟寵樂園（笋崗店）
- 地址：深圳市龍崗區龍城街道龍崗大道3999號龍城萬科里L3-01
- 前往方法：地鐵3號線龍城廣場地鐵站D出口（步行約5分鐘）
- 營業時間：10：00-22：00
- 網上購票詳情：按此
圖文獲「My Little Wan Pig」授權轉載