fbpx

【親子好去處】香港都可以喺海灘見到海星? 嚟海星灣保育生態重要性

【親子好去處】香港都可以喺海灘見到海星? 嚟海星灣保育生態重要性

炎炎夏日最好就係去沙灘玩水🏊🏻‍♀️,除咗大家耳熟能詳的深水灣同淺水灣之外🏖️,其實香港仲有好多未被發現的小沙灘。為咗捉住盛夏的尾巴🌞,雪梨媽今次就同雪梨家族去探索咗一個冷門的泳灘 —— 海星灣⭐,享受夏天的寧靜、接觸大自然、見識香港生物多樣性,也創造美好回憶。

海星灣位於馬鞍山,係一個鮮為人知的自然海灣,同時都係生態勝地同「自然保育區」🧐。佢同生態共存,整個海灣包含泥灘、沙灘、岩岸、紅樹林等生態環境,吸引咗不少動物棲息,亦都保存咗好多喺香港越嚟越少見嘅物種👍🏻,特別是海星⭐,所以就有咗海星灣呢個名。海星灣除咗有自然生態環境之外,好多人都會去嗰度掘海蜆,海螺同鮮蠔,雪梨媽今次嚟到海星灣,都想試一試自己的手氣😤,希望可以有戰利品帶返去,雪梨B都玩得不亦樂乎!

嚟到海星灣,一定不少得去「打咭」📸,大面積的海灣令雪梨媽都可以拍下有如「天空之鏡」的景色。另外,喺海星灣附近的泥涌石灘同紅色欄杆的海邊步道,都吸引咗雪梨媽去影咗唔少靚相😍!海星灣擁有多元嘅生態環境,喜愛大自然的朋友不妨可以去行一行🚶🏻‍♀️,家長更可以帶埋小朋友一齊去👨‍👩‍👧‍👦,了解同欣賞香港嘅自然景色🌅,亦可以從中了解保育生態嘅重要性,記得要帶走自己的垃圾,要好好咁保護大自然嘅環境,好好保護咁靚嘅香港呀😆!

————————————————————
雪梨媽 Facebook : 雪梨家族吃喝玩樂Fun

更多相片可到 MameShare Facebook 瀏覽

【親子好去處】香港都可以喺海灘見到海星? 嚟海星灣保育生態兼打咭!

難度: 1星
適合年齡: 任何年齡 (*10歲以下的小朋友要多加注意)

交通工具:
可以乘坐港鐵到馬鞍山綫至烏溪沙站,於A1出口步行約8分鐘

附近景點:
泥涌石灘,白石藤原豆腐店(打卡),烏溪沙沙灘

附近美食:
西沙茶座 (西貢西沙路十四鄉泥涌村10號C) – 炸蝦餅,泰式春卷,咖哩炒蟹,泰武蟹肉炒飯
屋子生活 (馬鞍山烏溪沙路8號迎海薈地下4A舖) – 泡菜豚肉丼,溫泉蛋海老天婦羅冷烏龍麵,鰻魚綜合茶泡丼,和風漢堡丼
營養快綫 (馬鞍山西沙路西澳村地下2C號舖) – 豬扒配搭腸仔的公仔麵,梅菜扣肉飯,火腿奄列同多士
彩軒園林茶館 (馬鞍山西沙路十四鄉泥涌10號E-F) – 鹽焗燒魚,蝦餅,炭燒魷魚,菠蘿炒飯

追蹤MAMESHARE

121,617FansLike
856FollowersFollow
1,910SubscribersSubscribe
spot_imgspot_img

最新內容