認識選擇性緘默症 —— 點解小朋友平日活潑好動🥳，但一返學上堂就唔肯講嘢🤐，完全判若兩人？尋求學校老師協助轉介到醫療機構，先發現小朋友原來患上「選擇性緘默症」(Selective Mutism) 。
患有選擇性緘默症嘅小朋友唔係冇說話能力，但礙於心理障礙因素而選擇性唔講，很多時被誤會為怕羞。
選擇性緘默症
「選擇性緘默症」屬於焦慮症嘅一種，患者無法喺某啲社交場合正常溝通說話，通常發生喺學校同學或少見面嘅親戚朋友面前。 一般於兒童早期 2-5 歲階段被發現，當孩子開始與家人以外嘅人互動時，家長留意到孩子與不同人交往嘅能力存在顯著差異，小朋友會突然神情呆滯或面部表情緊張及僵硬，甚至避免同其他人有眼神接觸，同時可能出現以下行為反應：
- 拒絕發問及參與群體活動
- 較為自信嘅小朋友可能只會用手勢、點頭或搖頭進行交流
- 放學回家大發脾氣，或被父母詢問學校生活時生氣
成因目前不明
目前，造成緘默症嘅成因仍然不明確，但根據《精神疾病診斷與統計手冊》第五版（”Diagnostic and Statistical Manual of Mental Disorders, Fifth Edition” ，簡稱 DSM-5) ）研究顯示，緘默症與焦慮有密切關係。一般而言，透過適當嘅處理同治療，大多數兒童都能夠克服。若年齡較大先至發現，需要嘅治療時間就較長。若懷疑孩子患有選擇性緘默症，可向合資格言語治療師尋求協助，一般言語治療師會邀請兒童臨床心理學家介入診斷。
根據英國國民保健服務（National Health Service，簡稱NHS）指出，最有效嘅治療方法為「認知行為療法」（CBT）和「行為療法」。治療過程主要幫助小朋友減低對說話相關行為嘅焦慮及壓力，幫助佢哋喺幼稚園及學校社交環境中放鬆。通過社交互動，由簡單地對一人講出單字單詞，到講出句子，逐步讓小朋友能夠喺任何環境都能與所有人自由交談。
治療過程中父母需要共同配合
- 不要以施壓方式強逼佢哋說話
- 讓小朋友知道父母了解佢哋心情，知道佢哋對說話感到困難，甚至害怕說話
- 接受非言語交流（例如點頭、微笑或揮手）是可以的
- 不需刻意避免聚會或家人朋友探訪，可考慮進行一些社交環境調整，讓孩子感覺輕鬆自在
- 參與社交活動時給孩子多點時間，可從熱身遊戲開始，不需急於馬上要小朋友與別人交談
——————
Sea Sea Mama —— 兩子之母，喜愛分享自己有笑有淚、有血有汗嘅「湊仔經」同「煮婦經」，交流生活點滴，講生活、講健康、講養生。
