fbpx

【Tiffany靚媽親子遊】大埔墟鐵道博物館親子遊 坐上舊火車認識本地歷史

香港鐵道博物館,原址在舊大埔墟火車站,展覽嘅內容主要係香港鐵道歷史,展出咗以前使用過嘅實體火車頭。由於雪梨B本身對火車/鐵路好有興趣,所以雪梨媽就帶雪梨B來鐵道博物館。

展館內除咗小朋友最興奮嘅實體火車頭及可以入去感受一下時代感嘅火車車廂外,博物館亦都有好多關於以前香港火車頭同香港鐵路嘅歷史。

一入到去火車博物館,雪梨B就被放喺博物館鐵路中央嘅51號柴油火車頭吸引,就架柴油車頭好有名氣,佢係當年香港第一架引入嘅柴油火車。咁具有歷史意義嘅火車,雪梨B當然係要打一下卡啦。除咗柴油火車頭之外,博物館仲有窄頭蒸汽火車同鐵路檢查車,當然唔少得大家都會上去打卡嘅歷史車箱啦。博物館館入面有唔同年代嘅載客火車車廂,雪梨B當然都要坐入去體驗體驗一下以前香港人坐火車嗰種感覺。

離開火車車廂,雪梨B即被蒸汽火車頭隔離嘅模型吸引。嗰個係一個可動嘅模型,佢係還原緊以前舊大埔墟火車站嘅樣貌。對於大人小朋友都有佢嘅吸引之處。
火車博物館入面除咗火車頭之外,其實都有好多關於香港鐵路歷史嘅文物同資料,展覽廳特設多項影視及多媒體項目,以生動有趣的方式帶領參觀人士了解香港鐵路嘅歷史。

————————————————————
雪梨媽 Facebook : 雪梨家族吃喝玩樂Fun

更多相片可到 MameShare Facebook 瀏覽

————————————————————

難度:半粒星星(五粒星星最高)
適合年齡: 任何年齡

交通工具:
港鐵:
經大埔墟站A2出口,往大埔綜合大樓方向步行約10分鐘,按沿途的鐵路博物館指示牌,經懷義街,再沿安富道步行約8分鐘。
從太和站B出口步行約10分鐘即可到達鐵路博物館。首先在太和站B出口轉右,乘扶手電梯至太和廣場,再沿右邊通道乘扶手電梯到地面,然後朝愛和樓與居和樓方向前往太和橋,按沿途的鐵路博物館指示牌,經仁興街到達博物館。
專線小巴:
港鐵大埔墟站對出的小巴總站轉乘20A、20C或20K,在大埔綜合大樓下車,經懷義街,沿安富道步行約8分鐘。
巴士路線:
乘搭九巴72、72X、73X、74X、75X或271號,在大埔廣福道下車,沿安富道步行約15分鐘。

附近景點:
百年墟市

附近美食:
麻痺英(仁興街): 火鍋、麻痺雞

Chapter One(仁興街): 酥炸蒜香雞中翼、牛油果大蝦pizza、法式炸薯條

肥哥哥餐廳(仁興街): 牛肝菌忌廉湯、黑松露醬蘑菇闊條麵、芝士安格斯牛肉漢堡

想知更多好去處,請按【親子好去處

 

追蹤MAMESHARE

121,617FansLike
856FollowersFollow
1,910SubscribersSubscribe
spot_imgspot_img

最新內容