fbpx

上水虎地坳村|鳳眼藍賞花遊+同治年代彩井古蹟探秘

上水虎地坳村本地古蹟遊,值得用心去看看。雪梨媽帶著雪梨B探秘同治年代的彩井,今次就入到新界上水既虎地坳村。我哋呢次山長水遠入去既目標,就係要尋找一種由5月開始盛放既花卉:鳳眼藍。

鳳眼藍,一種漂浮性水生植物,原產於南美洲亞馬遜河。於本港,則每年5至10月盛放,盛開時會在魚塘形成一幅紫藍色的花海,十分壯觀。花瓣呈紫藍色,葉直立光滑,在水中漂浮,其中一片花瓣上有一點黃色斑點。它可以作為動物既飼料,舊時新界農民會用來餵豬,故又被名為豬乸蓮。

上水虎地坳村

鳳眼藍繁殖迅速,所以好快就會於魚塘生長成一片花海。想欣賞到花海盛況,就一定要留意住時間,鳳眼藍每日都會開花,有太陽照到就會開始開花,去到黃昏左右就會慢慢枯萎。雪梨媽搜集資料,知道9至10點係最佳既賞花時間,就準時帶雪梨B入到虎地坳村,果然睇到好靚嘅花海,故此影咗唔少相!

雪梨媽入到百年舊村虎地坳探遺跡,真的發現到一個同治年代的穩秘小村內的古代遺蹟,就是「七色石磚水井」,是由不同顏色純天然的岩石,以人手堆砌而成的,雪梨B問:「石頭有咁多種顏色的嗎?(童真的小男孩) 係咪老伯伯用顏料油上去?」

上水虎地坳村

老村民指有這條村之前已經有這個七色水井,但年份就未能肯定了,估計清朝年代留下,直至現在水井還是不斷有水供應,村民都會利用這些水灌溉,非常珍貴的。

再行⋯⋯你會見到一條小石橋,其實嗰條小橋亦是很有歷史,當年九廣鐵路(就是以前港鐵的前身)的石礦場和紅磚拱橋,抗洪石碑,二百多年文明廟變成空中之樹,當年石礦場的遺跡都見到。KCR廠房的其中一部份,可以見到石磚上都有KCR的記號。

上水虎地坳村

鳳眼藍一般每年510月就會盛放,大家都不妨搵個周末入新界賞花好值得㗎!過咗花期就無得睇㗎啦

上水虎地坳村

溫馨提示:

大家入村要安靜,參觀時不要大聲講話,以免影響村民。而且村內多狗,但安靜就好!

上水虎地坳村 資訊懶人包

難度0 粒星星(五粒星星最高)

適合年齡任何年齡

自備物品:防曬用品、蚊怕水、風扇仔、飲用水、乾糧

交通工具

可乘搭73K巴士,行駛於文錦渡至上水,於「虎地坳」巴士站下車,或59K專線小巴,連接蓮麻坑至上水,同樣於「虎地坳」巴士站下車。沿虎地坳道步行,即可達虎地坳村。

附近景點

梧桐河 可於河畔兩邊散步、踩單車

上水大水管梧桐河及雙魚河交界

附近美食

鴻淘士多‧羅太豆花 –上水上水河上鄉快景路,豆花豆漿

ATMA – 上水上水圍文閣村46號,hand dripcold brew、烘焙蛋糕麵包

_____________________

撰文:雪梨媽 (Facebook : 雪梨家族吃喝玩樂Fun )

想知更多好去處,請按【親子好去處

最新內容