fbpx

中電鐘樓文化館|全新開幕免費參觀 沉浸式體驗活動+第五代山頂纜車任打卡

中電鐘樓文化館|最近天氣咁熱,真係要搵返啲有得嘆冷氣嘅親子活動俾小朋友!Blogger 為食爸爸與Asher的親子日常 就帶咗囝囝去呢個剛剛喺5月19日開幕嘅中電鐘樓文化館,俾囝囝吸收一下有關香港歷史同埋有關電力嘅知識,順便俾佢近距離接觸一下山頂纜車!即睇吓有咩好玩啦!

中電鐘樓文化館|全新開幕 免費參觀

位處九龍亞皆老街的鐘樓於1940年落成,樓高25米,三面外牆裝嵌咗電力驅動的塔鐘,塔鐘上方建有玻璃飾磚,構成別樹一格的建築特色。由於香港好多標誌性的鐘樓建築早已消失,中電鐘樓係香港罕有及具備戰前國際現代主義風格嘅鐘樓建築之一。現為一級歷史建築。

鐘樓最為觸目的,當然就係頂層展示的三面同步的電鐘!呢三面的時鐘每個直徑為2.4米,由英國李斯特城著名電鐘製造商Gents’ of Leicester製造,呢座鐘樓建築除咗係區内地標外,其三面嘅時鐘亦經歷世代,一直為九龍居民發揮準確地顯示時間的社會功能。

鐘樓而家經活化後命名為中電鐘樓文化館,剛於2023年5月19日開幕,入面一共有三個常設展覽,分別敘述嘉道理家族對香港嘅承擔,同埋中電喺社會發展進程中嘅貢獻,以及推廣非物質文化遺產,傳承本地優良傳統,促進建立共同價值觀。

館入面唔單展出有關電力嘅物品,仲展出咗多款有關香港歷史嘅文物中電鐘樓文化館有兩層展廳,除咗展出展品之外,館內仲設有多個互動裝置、互動遊戲以及沉浸式體驗活動。

對纜車有興趣嘅小朋友就要留意啦!香港首部山頂纜車於1888年投入服務,喺在鐘樓戶外庭園展覽嘅纜車屬第五代型號,喺首部纜車服務一世紀後,即1989年開始運作,可載120位乘客,已於2021年退役。

中電鐘樓文化館免費入場,另外亦可以喺網上預約每節約40分鐘嘅免費導賞團!

中電鐘樓文化館

地址:九龍何文田亞皆老街147號
開放時間:逢星期二、三、五至日 上午10時至下午6時(公眾假期除外)
網站:https://www.clpulse.com/zh.html

圖文授權:為食爸爸與Asher的親子日常 

最新內容