fbpx

暑假學游水 須注意兒童安全 千萬不要為子女購買這顏色泳衣 

暑假前媽媽最忙碌,忙著為子女搜羅暑期班,尤其游泳班最是熱門!究竟小朋友幾多歲開始學游水最適合?購買泳衣又要留意甚麼?

適合學游水的年齡

不少家長會讓一至三歲嘅寶寶參加游泳班,我個人認為呢個階段參加泳班能讓寶寶早點適應及熟悉水性,培養佢哋對游水嘅興趣及學習基本水中求生技能,但如果要學習泳式,游泳教練一般都會建議四至五歲開始學比較適合,因為呢個年紀嘅小朋友肢體發展較能平衡協調,容易掌握游泳技巧及水上生存技能,例如漂浮、踩水及游到特定的目的地。

學游水

學游水師生比例

根據不同國家統計,遇溺是兒童意外死亡最常見原因之一,所以家長認為游水除咗令孩子心肺健康,提高身體柔韌性,增強耐力,改善平衡和姿勢,最重要係可以預防遇溺。因此學游水的師生比例千萬不要高於 1:4, 當然1:1 或 1:2最理想。

不論海灘或泳池,水位深或淺都有機會遇溺,而且遇溺可以發生得好快,可以係幾秒內發生嘅事,作為一個事事謹慎嘅媽媽,當兩個囝囝年紀還細嘅時候我帶佢哋上游泳班,雖然在場有救生員當值及教練在旁,但我都會坐喺泳池邊視線範圍見到囝囝嘅位置,如果同佢哋一齊落水玩就必定企喺佢哋旁邊,當佢哋潛入水我會不時進入水𥚃留意住佢哋。

泳衣顏色

美國一位專門教幼童游泳的教練Nikki Scarnati,她也是一位媽媽,她於社交媒體發佈了一段影片。警告其他父母不要為孩子購買「藍色」泳衣,因為在水中,不論是在暗處還是在陽光底下,都很難看到水中的孩子。影片鏡頭拍攝了Nikki的2歲的女兒Claire,她穿着淺藍色泳衣在游泳池裡踩水。Nikki解釋:「這不是我女兒經常穿的泳衣。這件藍色泳衣,是我在清倉時購買的,專門為其他父母示範。」

影片中已是相對平靜的水面,若泳池中有許多人,或有許多孩子在嬉戲,那麼就更難看到穿着淺藍色泳衣的孩子,因為它和同圍環境的顏色一樣。

而一位網友則回應說:「橙色是最容易在水中發現的顏色!太空人回地球時也會穿橙色防護衣,以防他們墜毀並降落在海裏。」

圖片來源:Nikki Scarnati影片截圖

總結

當年朋友認為我過份緊張,但畢竟囝囝仲細,雖然已學識游水,但能夠令佢哋玩得暢快,我又放心,都係謹慎啲好!我仲曾經諗過自己是否需要報讀急救課程,學埋心肺復甦法以作不時之需!

圖片來源:pexels

——————
Sea Sea Mama —— 兩子之母,喜愛分享自己有笑有淚、有血有汗嘅「湊仔經」同「煮婦經」,交流生活點滴,講生活、講健康、講養生。

想知更多湊B心得,請按【育兒資訊

最新內容