fbpx

屯門親子半日遊|免費參觀騎術學校 湖山公園$80租家庭單車 CP值高親子餐廳推介

今個周末想好去哪裏未呢?不妨參考一下 酒窩寶寶Kiana 的屯門親子半日遊行程啦!今次Kiana媽媽介紹了4個親子好去處,包括:

屯門公眾騎術學校

原來香港都有騎術學校,仲可以免費入去參觀!Kiana媽媽同囡囡參觀嘅時候會見到有人騎馬,Kiana好開心好想試吓騎馬,只要小朋友年滿6歲,體重不超過105磅,可以考慮俾小朋友試吓上小馬班!

Kiana媽媽指去騎術學校參觀之前,有打電話去問一問,職員話普通參觀直接入去就可以,「但係去門口嘅時候保安會問一問有冇預約,我哋就話打個電話嚟,佢就俾我哋入去啦!」

屯門公眾騎術學校網站:https://www.lcsd.gov.hk/tc/prs/notes.html

湖山公園

踩單車嘅湖山公園位於輕鐵車廠站,公園入邊除咗公園設施小食部之外,內有小食亭、公園、單車公園、交通安全城和河邊的單車徑,場內有租單車的龍記單車,可以租家庭單車踩 ,如租借家庭單車,只可在公園內的範圍使用,大啲嘅小朋友仲可以租平衡車或者單車入去交通安全城踩 ,再大啲嘅小朋友仲可以租大單車同爸爸媽媽出去踩出去河邊 ,仲可以踩到去沙灘添!

屯門高爾夫球中心

另外,同樣位於輕鐵車廠站的屯門高爾夫球中心,是全港首個公眾高爾夫球練習場,佔地48 500平方米,主要設施包括兩層共91條球道的發球練習場、練習草坪及沙池設施,歡迎個人或團體租用。Kiana媽媽話高爾夫球場隔離仲有好大嘅草地同埋餐廳,有興趣都可以行吓!

屯門半天遊

網站:https://www.lcsd.gov.hk/tc/golf/tuen_mun.html

Yummy Dino親子餐廳

呢間平價恐龍餐廳深受小朋友喜愛,Kiana一坐低已經獲得恐龍筆一枝、恐龍餐盤、同每枱都有嘅小恐龍玩具,走嘅時候仲有恐龍貼紙!入邊有好多玩具俾小朋友玩,等佢食飯唔會悶,食物方面有All day breakfast、漢堡包、意粉、沙律等等,Kiana媽媽覺得所有野食都好味過一般餐廳,仲要價錢好平,CP性高!

地址:屯門湖翠路2號美樂花園商場地下64號舖

相片授權:酒窩寶寶Kiana

 

最新內容