親子短線推介！嚟緊復活節計劃好帶小朋友去邊度玩未呢？今次Blogger 初初媽媽 ChochoMama 就為大家推介咗呢個四日三夜放電美食之旅，由九龍出發40分鐘車程，吃喝玩樂一站式，帶住小朋友玩超方便！除了入住五星級酒店之外，行程包括親親小動物、刺激高卡車、室內木系遊樂場、遊戲機夾公仔中心、欣賞煙花、美食茶飲不停食食食，大人小朋友都滿足，非常盡興！
住宿：深圳益田威斯汀酒店
先介紹一下住宿，今次一家四口入住深圳益田威斯汀酒店，免費upgrade咗樂園煙花景觀、包2成人自助早餐（120cm以下免費）、有靚靚浴缸玩水、免費加BB床、提供兒童牙刷、生日禮遇有蛋糕等！
房間闊落！景觀一流，夜晚9點有煙花睇，舒舒服服近距離睇勁靚，呢個房價有得睇煙花真係超值！ 或者落酒店花園平台都可以睇到煙花架！煙花幾時有得放要留意番主題公園嘅公布啦。
酒店自助早餐款式選擇足夠，有粥粉麵飯、水果甜品、豆漿牛奶，小朋友實啱食，媽媽特別推介卷蛋餅、牛角酥、葡撻 有BB凳、兒童餐具提供。
行程推介Day1：
10:23高鐵》11:20酒店放低行李》到商場午餐》wowo動物園》刺激高卡車》酒店check-in》商場晚餐
深圳 WOWO窩窩萌寵森友會位於酒店附近，内有萌寵約50種，包括瑞士瓦萊黑鼻羊、水豚等等，並設有多個分區，有鳥語苑、萌寵互動區、異寵投喂區、萌寵觀賞區、爬寵區等。園内萌寵可投餵、零距離接觸。門票包咗餵食蔬菜、手套、圍裙，妹妹開頭有啲驚，慢慢都夠膽餵，爸爸媽媽餵咗三兜菜，哥哥都仲話要添，小朋友真係好鍾意餵動物架！
另一個行程就是高卡車俱樂部，同樣位於酒店附近！總佔地面積約8,000平方公尺，賽道全場500米，賽道寬6米，賽道直曲結，非常刺激，場館免費提供頭盔、頭套等安全裝備。不過要注意的是，單人車為一車一座，駕駛者必須年滿14歲且身高在150cm以上；而雙人車為一車兩座， 左邊開車，右邊坐車（無法操作），駕駛者必須年滿18嵗周歲以上、55周歲以下，身高在150cm以上，185cm以下。右邊為副駕位，身高需120cm以上（身高不足則無法系穩安全帶）。
預訂Wowo 動物園·窩窩萌寵森友會：https://bit.ly/3wIeRIw
預訂刺激高卡車：https://bit.ly/3SZ0nLM
酒店相連大商場：益田假日商場
酒店地理位置極方便！酒店樓下直通大商場，連接地鐵站，過條馬路就係大型主題公園，非常方便！商場吃喝玩樂都有好方便！有大型超市、美食街、茶飲店、打邊爐、燒烤、酸菜魚、冰糖水果等，好多餐廳選擇！小朋友有得玩室內遊樂場、夾公仔機、Lego專門店等～
行程推介Day2：
全日玩世界之窗》晚餐商場美食街》酒店房看煙花
世界之窗在酒店附近，集世界奇觀、歷史遺蹟、民間歌舞表演等融為一體的人造大型主題公園，全園分為世界廣場、亞洲區、大洋洲區、歐洲區、非洲區、美洲區、世界雕塑園、國際街八大景區，內建有130個景點，包括埃及金字塔、阿蒙神廟、柬埔寨吳哥窟、美國大峽谷、巴黎雄獅凱旋門等，另外還有有機動遊戲、遊樂場、娛雪、動物園！
預訂世界之窗（有機動遊戲、遊樂場、娛雪、動物園）: https://bit.ly/3T7Uzj4
行程推介Day2：
酒店自助早餐》地鐵搭兩個站到高新園站下車-萬象天地·大型商場》星際傅奇遊戲機中心/Meland club室內遊樂場》益田假日廣場·虎丸燒肉
Meland劃分不同的區域，包括Mini City模擬城市、Maze超級迷宮、Hi Ball球池區、X-sport運動挑戰區、卡通動漫區、特色育學活動以及meland café親子餐廳在內的全場景親子沉浸式互動體驗，小朋友玩全日都唔會悶！
預訂 Meland club室內遊樂場：https://bit.ly/3P8FX1G
行程推介Day4：
酒店自助早餐》12點退房》益田假日廣場·木育森林室內遊樂場》麥當勞》5點的士》17:42高鐵
木育森林室內遊樂場係一個全店以木材打造嘅室內樂園，有超過40種互動遊樂設施！媽媽推介必玩的項目有親子「飛機鞦韆」 ，大人可以同小朋友一齊玩！哥哥覺得好好玩～飛出去有少少離心力，妹妹就少少驚，另外仲有射槍、駕駛車車、賽車場、搖搖椅、攀爬樹頂、吊橋、飛機板、波波軌道、維修建設、騎馬、足球機、呯嘭彈、滑梯、繩網、捉蟲蟲、釣魚、保齡球、大量桌遊等⋯⋯超級多嘢玩！而呢度有吊床大人可以休息，小朋友慢慢玩，非常貼心！
Wooderful life木育森林室內遊樂場，預訂： https://bit.ly/3V6n3MP
交通：香港西九龍高鐵14分鐘到福田站，轉乘的士20分鐘直到或乘地鐵一號線（羅寶線），到世界之窗站直達深圳益田威斯汀酒店、益田假日廣場！
當日過關順暢～計埋過關時間，1個鐘都唔使就到酒店門口！媽媽提提大家，建議提早預訂高鐵車票，假期好快full！小童半價，6歲以下免費： bit.ly/3vDwjNV
圖文授權：初初媽媽 ChochoMama