說到旅行時的親子住宿，除了台灣之外，日本亦有不少裝修、環境一流的親子酒店！近日Blogger「Hannah雨豬仔之-吃喝玩樂世界」分享了 日本親子酒店 的住宿經驗，正是長期爆滿的東京迪士尼Toy Story Hotel（反斗奇兵酒店），有興趣帶小朋友去東京旅行的話，一定要留意以下介紹！
日本親子酒店 Toy Story Hotel
Toy Story Hotel於2022年4月正式開幕，以小朋友最愛的《反斗奇兵》動畫為主題，整個設計均以動畫為藍本，自開幕以來長期爆滿，一房難求！而Blogger雨豬媽就早在旅行前3個月預訂房間，如果想帶小朋友入面，就記得要提早準備！
雨豬媽表示，一踏入酒店門口，就好像是走進迪士尼樂園一樣：「果然名不虛傳，超大超新超多嘢玩，不論大人小朋友都特別興奮！超多打卡位，商店有2間，一間24小時開放，類似7-11咁，好多商品只有迪士尼出售，當然要大量購入！」
「Check-in後當然馬上入房睇吓，成間房都係Toy Story造型，我哋窗口望出去就係海景廣場，可以望住《反斗奇兵》總動員！」
「早餐可以喺勞蘇餐廳食，自助餐形式，好多款勞蘇食物，好可愛！仲可以幫豬仔用朱古力醬點上圖案，有得食有得玩！」
日本親子酒店 Toy Story Hotel 訂房攻略
- 要預先在東京迪士尼網站做會員
- 每天早上11點正，官網會開放3個月前預訂，要先login才訂到
- 房間可選superior square view、standard bay view，我哋揀左bay view
- 訂完房間後，記得順手book埋酒店餐廳食早餐啊！
圖文獲「Hannah雨豬仔之-吃喝玩樂世界」授權轉載