自開關以來，不少爸媽都會帶同小朋友北上親子遊，更即日來回變留低過夜，只需一個周末，不用請假，不用坐飛機也能有旅行的感覺！Blogger 工程師媽媽學堂 就分享了北上生日之旅，只需$1300就已包括2大1小，連同早晚buffet及一晚住宿，媽媽直呼「認真抵」！
今次的住宿位於𝘾𝙧𝙤𝙬𝙣𝙚 𝙋𝙡𝙖𝙯𝙖 𝙃𝙤𝙩𝙚𝙡－－皇冠假日酒店，到達福田口岸後坐9分鐘地鐵就到達，由於今次一家人在下午才出發，所以一Check in 便開始晚餐buffet了！
整個場不到30個客人，一走入食物區，小朋友就立刻被六層高的朱古力噴泉所吸引，而主食方面，有海鮮、刺身、牛扒、羊架、串燒、炒粉麵飯、點心、前菜、沙律、火腿等一應俱全，另外還有果汁、汽水、啤酒、紅白酒任飲，現場設有鮮榨果汁，非常適合小朋友，而無酒精雞尾酒調配得好好味，適合想過吓口癮但又唔想飲酒精的成人。
最攪鬼係有港人最愛的，一人一煱打邊爐，而比較驚喜的是每位成人附送半隻龍蝦，另外仲有奶白色的生滾魚湯！媽媽推介自家製雪糕，非常香濃、極之軟滑、一共有十種口味，包括朱古力、士多啤梨、芒果、綠茶、咖啡、開心果、雲呢拿、榴槤、榛子、更有好少地方會有的冧酒提子。
食飽就返上房間休息啦！由於一早已通知入住的目的是慶祝生日，酒店好窩心地已經準備好房間佈置，更附上一個小小的生日真蛋糕，和一個用毛巾砌成的生日大蛋糕。上到房小朋友們又瘋狂慶祝一番，仲攞埋啲玫瑰花去浸浴。
翌日早餐方面，有生滾粥、雞蛋、腸仔、各款中式點心、粟米片、乳酪、鮮榨果汁、各款麵包，最驚喜係早餐都有得食雪糕，而早餐糖果區更有奶龍波板糖！
酒店設施方面，有遊戲室、gym及游泳池，以上設施均開放給住客享用，但可惜入住當日傾盆大雨，小朋友們未能下水暢泳。
住後感：
服務質素一流，餐廳侍應款待殷勤，當我拿著熱湯時會主動前來幫忙，確實係五星級服務！
【港澳台及海外遊客特惠｜雙早晚餐】
套票只包一個1.2m以下的小朋友晚餐buffet，所以家姐晚餐buffet要另行加錢，但房價就冇另外加錢，而早餐buffet都無另外再收家姐錢，1.4m以上計成人收費。
前往方法：福田口岸4号線到市民中心站轉2号線坐一個站到福田站下車，3A出口行約600m。
圖文授權：工程師媽媽學堂