澳門親子遊｜嚟緊周末佛誕有長假期，短短地去返轉澳門都唔錯！如果家中有喜歡車的小孩，或者爸爸本身就係車迷的話，就千奇唔好錯過呢個四層大賽車博物館，場內有唔少體驗區俾小朋友試玩，小朋友玩到樂而忘返，4歲以下小朋友仲免費，即睇睇為食爸爸與Asher的親子日常 的介紹！
澳門親子遊｜四層高澳門大賽車博物館
為食爸爸今次全日嚟到澳門兩日遊，天氣不似預期，所以安排咗室內的參觀活動！澳門大賽車博物館樓高四層，總面積大約170,000平方呎，喺入面除咗了解到好多澳門格蘭披治大賽車相關知識之外，展品仲非常豐富，而且場內設有多個體驗區，無論大人或小朋友喺入面都可以玩得好開心！
博物館四層分別有唔同主題：地面設有紀念首屆大賽車冠軍車手專區同東望洋跑道模型；
一樓就係有關早期嘅方程式賽車同埋三級方程式大賽嘅陳列展品，仲設有三級方程式模擬器俾參觀者體驗；
二樓就係有關澳門格蘭披治電單車大賽，呢層展示咗電單車解構裝置、仲可以坐上電單車用VR體驗格蘭披治電單車大賽；
地庫層就喺有關澳門GT盃同埋東望洋大賽，喺呢層小朋友可以體驗計時幫賽車換軚同埋做指揮中心嘅控制員！
另外，博物館入面打咭位非常多，又有多款體驗遊戲，而且價錢非常相宜，就算唔係車迷，呢度都係一個雨天遊澳門嘅好選擇！
澳門大賽車博物館
地址：澳門高美士街431號
開放時間：星期一至日上午10時至下午6時（最後入場時間下午5時30分）；逢星期二休館
入場門票：成人MOP80，小童（4至12歲）MOP40，4歲以下小童免費
網站：https://mgpm.macaotourism.gov.mo/zh-hant/
圖文授權：為食爸爸與Asher的親子日常