澳門親子遊｜嚟緊佛誕3日連假，唔少家長都會考慮同小朋友澳門遊，不過澳門景點就介紹得多啦，澳門酒店又有邊間好推介呢？今次 Blogger 有個過度活躍媽 為大家介紹呢間 雅辰酒店，除咗有唔少優點之外仲有親子friendly！
雅辰酒店 位於友誼大馬路，即睇以下5大優點：
1 地理位置優越
雅辰酒店 好近小朋友嘅玩樂點，行去唔少人推介的觀音像海濱休憩區同埋澳門科學館只需約12分鐘，另外行去水塘公園B區都係大約15分鐘，行返去外港碼頭大約15分鐘，如果想去大賽車博物館都係附近！
大家都知澳門搭車比較麻煩，雖然氹仔好多新酒店，但係交通真係好唔方便。搭的士又要排隊，如果步行可以到玩樂點，真係方便好多！
2 免費加床服務
唔少酒店加床都要加錢，雅辰酒店 就可以免費加床，活躍媽有兩個小朋友，呢項服務就啱晒啦！
3 渡假式酒店
雅辰酒店 有小型playroom、遊樂設施 、泳池，小朋友都玩得好開心。
４ 大人食早餐，同行小朋友免費
Blogger有個過度活躍媽一家喺酒店食咗3日早餐，3日都會有少許不同。$145/大人就食到早餐buffet，一家四口即係$290，性價比頗高。早餐buffet有奄列、cold cut、芝士、水果 、果汁等，啱晒小朋友！
5 生日送蛋糕
雅辰酒店前身係金麗華酒店，再前身係文華東方酒店，蛋糕好出名！如果大家有紀念日/生日，酒店仲送半磅芝士蛋糕 ！
雅辰酒店
地址：澳門友誼大馬路956-1110號
網站：https://artyzen.grandlapa.com/zt
圖文授權：有個過度活躍媽
更多親子旅行文章