雖然啱啱完咗復活節假期，嚟緊周末又可以計劃一下同小朋友去內地玩啦！今次Blogger 老闆娘 Toby 蔡裕彤 帶大家去珠海親子遊，除咗入住親子主題酒店之外，仲帶大家坐觀光車漫活一下，啱晒大家大細兩日一夜小旅行充充電！
媽媽Toby介紹今次入住2023年新開酒店—— 珠海象往北奢酒店（拱北口岸店），地理位置方便，好近拱北口岸，港珠澳大橋坐的士去都係大約$30，附近又有好多食肆！而佢哋今次揀咗 親子家庭房——主題萌趣親子三床房【企鵝十小黃鴨】1張碌架床 及1張特大雙人床，一張超大雙人床加兒童上下格床，一家四口，終於唔使迫兩張單人床啦，非常吸引！
房間入邊嘅廁所亦都有兒童浴缸、兒童洗手盆，仲有兒童拖鞋，牆身有鴨仔壁畫，落地大玻璃加全智能家居有埋管家服務等服務，即是叫外賣會有機械人送到房門，服務一流！酒店入邊已經有免費playhouse免費玩波波池瀡滑梯，而親子房仲有另一個主題係企鵝，有主題嘅房間嚟講，大約$650/晚，媽媽大讚真係性價比極高！
珠海象往北奢酒店（拱北口岸店）
預訂連結 : https://hk.trip.com/w/IPMlUrxqaS1
情侣路自駕老虎車
講完住就講吓玩啦！媽媽Toby表示珠海真係好啱慢節奏生活，而情侣路是珠海最著名的景點之一，位於海邊，非常適合散步、踩單車、睇風景！而今次佢哋就選擇咗坐觀光車，即係電動車遊覽，可以自己駕駛，仲有老虎、熊貓、鹿仔嘅車身造型，好可愛！最快車速只有9km，對於小朋友嚟講絕對安全！
收費：$58/30分鐘，其後$15/10分鐘，可以沿住可行走路線來回一次，大約就係45分鐘，而租車點有3個位置，建議大家係金悦軒對面（情侶路1号租車點）開始租車，容易搵啲同埋那裡有工作人員，提提大家租車要用微信支付，記得預先開通！
圖文授權：老闆娘 Toby 蔡裕彤