雪梨b近日想學唱中式粵劇，所以去咗荔枝角博藝館睇吓，上到去真係眼界大開，又新淨，又靚，個view仲可以睇到日落，館長同我哋介紹粵曲同埋掛畫。又有好多唔同嘅中式樂器：楊琴、二胡、鑼、鼓……
現場仲有提供唔同樂器俾小朋友體驗，雪梨b都拎起二胡試吓彈，睇吓佢個樣幾有型，喺呢度體驗唔同樂器，玩下彈下幾開心。喺呢度唱中式粵劇既有老人家唱，又有年輕人及小朋友！
頭飾擺設櫃展示了真實演出粵劇頭飾擺設，係粵劇用道具，好有古典同歷史氣息架，仲有藝術品、花瓶，頭飾，手工都好精緻，演出用道具真係唔同啲！雪梨b對呢啲Bing Bing 的藝術品都好有興趣。
原來博藝館仲有親子活動手工製作，可以整中西式手工製作班 : 花環，蠟燭…… 仲要好易整、好啱小朋友，雪梨b整手作好有天份，呢啲親子活動最啱大家約埋同學仔一齊嚟玩。
估唔到呢度仲可以練歌，館長俾我同雪梨b試下入去唱左陣，同佢唱啲朗朗上口既粵曲，仲有好多唔同嘅金牌粵曲，唱完之後就去買少許零食休息一下，唱完歌之後真係有啲攰。
平時嚟睇吓書、玩下又食下零食，大人等小朋友時可以睇下呢度既圖書，而呢度既環境可以輕鬆咁睇下書欣賞下呢度既環境，飲杯咖啡。咁就enjoy咗一日。
雪梨媽最緊要係教雪梨認字喇，練習書法是令小朋友集中精神的好方法，好在館長帶住寫，係博藝館呢度環境優美寧靜，正！
提升一下小朋友的藝術天份，開心學習，大人都參加得！下次帶埋雪梨婆婆，婆孫一齊玩，享受親子樂，大家假日可以試係呢度玩下，價錢亦都幾合理！
博藝館資訊懶人包
難度：0粒星星（五粒星星最高）
適合年齡：任何人士
地址：荔枝角長沙灣道932號興迅廣場25樓全層（荔枝角地鐵站C出口）
電話：3555 5678
預約網址：按此
附近美食：
鳳鳴石磨腸粉(荔枝角)
青山道489-491號香港工業中心A座GA6C舖
Monster Kitchen
7th floor, Block H, Wing Hong St嘉名工廠大廈
Pizza Piazza
長沙灣道883號億利工業中心地下1A室 Shop 1A
————————————————————
撰文 及 攝影：雪梨家族吃喝玩樂Fun
想知更多好去處，請按【親子好去處】