一眾媽咪同小朋友注意啦！由珠海華發集團投資296億元打造嘅「深圳華發冰雪世界」，將於2025年9月29日試業，為南方地區帶來前所未有嘅冰雪樂趣。呢個項目位於深圳市寶安區前海沙井南環路，佔地43萬平方米，總建築面積高達131萬平方米，集室內滑雪、潛水、住宿、購物同娛樂於一身，成為全球規模最大嘅室內滑雪綜合體。
核心亮點：華發冰雪熱雪奇蹟
最吸睛嘅當然係面積達10萬平方米嘅「華發冰雪熱雪奇蹟」，全年恆溫維持喺-3至-5℃，仲有降雪效果，隨時隨地都可以感受到真實雪景。場內設有5條國際雪聯認證嘅賽事級雪道，其中一條單道滑道長達463米，垂直落差83米，刺激度爆燈，適合滑雪高手挑戰極限。場館配備吊椅索道同魔毯，每小時可運送3200人，大大縮短排隊時間。
另外，場內有2大地形公園同娛雪區，娛雪區提供14項冰雪遊樂項目，包括極地探險之旅、速降回旋雪圈道、搖擺雪圈道、冰上碰碰車、夢幻飄雪區同雪上卡丁車等，大人細路都玩得開心，滑雪唔再係專業運動，而係全民娛樂。現場仲有租賃區、休息區、餐飲區、滑雪學校同VIP室，配套齊全。
極限運動新地標：33米深潛池同超感公園
除咗滑雪，園區內仲有大灣區首個室內潛水基地，深度達33米、水容量8000立方米，讓潛水愛好者喺室內就體驗到深海世界，唔使出海都得。超感公園包括恒溫造浪池、攀岩牆同騎行賽道，滿足一眾極限運動迷嘅需求。
住宿購物一體化：JW萬豪酒店進駐
園區設有五星級JW萬豪酒店，提供352間客房，配備SPA、泳池同行政酒廊，讓你滑雪完之後可以好好放鬆，享受度假feel。仲有極光主題景觀商店街，購物娛樂一應俱全。
交通超方便
華發冰雪世界距離深圳灣口岸只需33分鐘車程，地鐵20號線會展城站D口步行400米就到，深圳寶安國際機場直達，香港朋友過關嚟玩都好易。深圳國際會展中心同國際機場都喺附近，位置一流。
票價資訊同會員卡
• 娛雪票：2小時208元起
• 初級滑雪票：2小時348元起
• 中高級滑雪票：4小時498元起、不限時568元起
• 華發會員卡：90天季卡9999元、半年卡13699元、年卡23799元