每日返工返學都係港鐵度度過的香港人，有冇覺得自己對港鐵其實好陌生？除了閘機同月台，原來站內仲隱藏咗一大堆超貼心實用設施！最近有網民喺Threads分享後，成班人都大呼「我真係白搭咗好多年」！
以下為大家整理咗港鐵7大隱藏好用設施，全部都係真·實用型，值得收藏！
【1】2xchange 外幣即時兌換機
旅行返嚟一袋外幣散紙最煩？而家2xchange喺港鐵設咗即時兌換機，零手續費即時換港幣！
位置：
- 旺角東站 B 出口
- 沙田站 A 出口（出閘轉右）
- 紅磡站 A1 出口（往理大方向）
支援12種常用貨幣，包括日圓、韓圜、美金、歐元、台幣、泰銖、澳元、英鎊、新加坡幣、加元、人民幣、馬來西亞幣。
小貼士： 兌換機匯率同門市有差，建議用前先比一比。
【2】出口指示牌 QR Code 一鍵導航
台灣遊客都讚到上天的隱藏功能！唔使開Google Maps，掃一掃出入口指示牌上面嘅QR Code，兩步就搞掂路線。
使用方法：
- 掃描出入口指示牌QR Code
- 選擇目的地，即刻跳出網頁地圖導航
好多香港人都話：「坐咗幾十年地鐵第一次知！」
【3】免費打印、影印、沖印相片
由中國工商銀行（亞洲）提供嘅遠程櫃員機（VTM），全港有12個港鐵站設有。
即使唔係客戶，都可以下載「工銀亞洲」App，搜尋「港鐵便民服務」，出示QR Code就可以免費打印、影印，同埋沖印相片（有限額）。
設有位置包括： 南昌站、東涌站、大圍站、柯士甸站、九龍塘站、火炭站等。
網民實測：「相紙質素免費嚟講真係唔錯！」
【4】流動裝置充電設施
手機突然冇電救命！全港29個港鐵站設有充電服務，其中13個ICENTRES有USB插座，16個站更加有USB + 無線充電。
熱門站包括：深水埗、金鐘、香港站、油麻地、油塘、九龍、欣澳等。
【5】康文署還書箱
懶人福音！唔使特登去圖書館還書，港鐵有3個站設有便捷還書箱：
- 南昌站（屯馬綫大堂兩個位置）
- 九龍塘站（觀塘綫大堂）
- 中環站（通往香港站行人隧道附近及多個大堂位置）
【6】飲水機
自備水樽一族最愛！全港36個車站設有飲水機，隨時免費加水。
包括大埔墟、柴灣、調景嶺、海怡半島、啟德、天水圍、荃灣等站。
【7】洗手間位置一覽
超過70個港鐵站設有洗手間，最緊要係可以用港鐵官方App即時睇到最近嘅位置同出口，解決突發「三急」問題。
搭港鐵原來仲有咁多隱藏福利！下次出門記得抬頭望望指示牌，或者直接用MTR App查一查，可能會發現自己以前真係「眼盲」咗好多方便。