fbpx

【Tiffany靚媽親子遊】西環萬呎兒童放電勝地 玩盡搖控車+巨型繩網陣8大遊樂區

大家知唔知道喺過去嘅週末,西寶城開左一間新嘅兒童遊樂場。佢哋佔地10,000呎,可以畀好多小朋友一齊玩。疫情之後,好多室內嘅遊樂場都無開到門。今次見到有新開張嘅遊樂場,當然要帶雪梨B去放一放電,輕鬆一下,所以過去嘅週末,雪梨媽就帶咗雪梨B去西寶城。

入到去第一眼望到嘅係嗰個橫越成個場地嘅繩網陣,繩網陣有唔同嘅滑梯,有直嘅又有旋轉,啱哂小朋友走來走去。雪梨B 仲喺繩網陣同媽咪玩伏匿匿添。不過玩咗一陣雪梨B同媽咪都流哂汗,就係遊樂場裡面嘅coffee shop坐低休息下,裡面有雪梨B最愛嘅雪糕,當雪梨B食雪糕嘅時候,雪梨媽當然可以坐吓,休息吓。

食完嘢叉足電,又可以去放下電啦。雪梨B就去咗玩迷你賽車,這個迷你賽車就唔係遙控嘅。為左吸引一下小朋友做運動,迷你賽車係要小朋友踩住單車機先會行㗎。小朋友踩得愈快,賽車都會行得愈快,啱哂啱啱食完雪糕嘅雪梨B。

除咗賽車同繩網呢兩個活動之外,場館裡面都有好多活動,例如足球遊戲、拍磚頭等等。雪梨B玩得好開心,仲做左好多運動𠻹!

————————————————————
雪梨媽 Facebook : 雪梨家族吃喝玩樂Fun

更多相片可到 MameShare Facebook 瀏覽

難度:半粒星星(五粒星星最高)
適合年齡: 任何年齡

交通工具:
港鐵香港大學站C2出口行5分鐘就可以到
城巴10號 西寶城站落車

附近景點:
卑路乍街公園

附近美食:
海港酒家(西寶城): 鮑魚雞煲、燒鵝
The ground kitchen(盤水街): 雜苺意大利奶凍,蕃茄牛肉濃湯,法式焦糖燉蛋
享慢煮泰(加多近山地下):花生醬沙嗲雞串,泰式奶茶牛角包,龍蝦汁蟹肉意粉

想知更多好去處,請按【親子好去處

最新內容